Siphakeme .Mnindwa
Innocent Kurira
I-HIGHLANDERS ibika ukuba iphezulu kokulungiselela umcimbi ozahlanganisa abalandeli labathandi bomdlalo kanobhutshuzwayo, oweFamily Fun Day mhlaka 16 Nhlolanja.
Umcimbi lo uzabe use-Clubhouse, lapho abathandi bebhola lenyawo abazahlangana ndawonye bezokholisa lokusekela iqembu ngemali. Ngosuku lolu, kuzakuba lomdlalo phakathi kwabadlali abakhona kuqembu lakuqala kunye lalabo abake badla ubhedu.
Umdlalo wobungane lo ukhangelelwe ukuthi uhlabuse nanko kudibana abadlali abatsha lengcitshi ezake zatshengisela ithalenta lazo enkundleni, ngesikhathi iBosso isabutha inkezo zonke kuPremier Soccer League.
Isikhulumi seqembu, uNozibelo Maphosa uthe balulinde ngabomvu usuku lolu, oluthembisa ukuthi luzabe luluhle.
“Inhloso yomkhosi weFamily Fun Day yikuqoqa imali yeqembu, kodwa okuqakathekileyo yikuthi sihlangane njengemuli yeHighlanders, isizini entsha ingakaqalisi.
“Sizakholisa okunengi, njalo sifuna ukuthi abalandeli beqembu baze lemuli zabo ukuze bajabule ndawonye. Kuzaba lokuzithokozisa. Sinxusa wonke umuntu. Sikhangelele ngabomvu ukubona abalandeli bethu bephuma ngobunengi babo ukuzo sekela iqembu,” kutsho uMaphosa.
Uthe iHighlanders yenze isiqiniseko sokuthi kuzakholisa wonke umuntu ngalelo langa okubalisela imidlalo ejabulisa abantwana i-trampoline bouncing, jumping castle lemidlalo ye-virtual reality. Kulabo abafuna okwahlukileyo, kuzabe kule-quad biking le-mechanical bull.
Ithimu le iphinde yanxusa abathengisi bokudla lezinye impahla.
Online Reporter