adminKuleli iviki sizaxoxisana ngempahla yesintu. Izikhathi ezinengi emhlolisweni lapha abafundi bahlangana lemibuzo edinga ulwazi ngempahla ethile yesintu, inengi lingelalwazi olutheni ngempahla lezo. Akesikhumbuzane ngazo ukuze abanye benelise ukuphendula imibuzo yolimi emhlolisweni.
Impahla yokuhlala
Izolo obaba bebehlala esiqobaneni kodwa omama babelakho ababehlala kukho okunye bakwendlale njalo nxa sebelala.
Isigcabha — lesi yisikhumba senyamazana encinyane okungaba yimbuzi, ithole kumbe inqina. Isikhumba sokuhlala kasilamsebenzi onzima nxa silungiswa, imbuzi loba yini kungahlatshwa abafana bayasithatha basibethele ngokuselula phandle elangeni ukuze some. Nxa sesomile siyalungiswa sisikwe kuhle siphiwe omama kumbe amantombazana ukuze ahlale kuso. Kuhlalwa kuso abantu bekwejisile kumbe besidla loba beziphumulela. Abanye basibiza ngesikhumba.
Icansi lelukwa ngemizi. Yelukwa ngemihlobo yotshani etshiyeneyo. Kuwo wonke amacansi kusetshenziswa intambo ephothiweyo. Akesikhangele imihlobo yamacansi etshiyeneyo. Lelukwa ngemizi. Omama yibo ababesiphuna imizi emfuleni bayichaye yome, beluke ngayo amacansi. Icansi leli kuhlalwa kulo loba lendlalwe abantu balale kulo. Icansi liyahlalwa yizethekeli ezihloniphekayo.
Online Reporter