admin
Thokozile Mbedzi
ABAFUNDI besinye isikolo sakoBulawayo badibane lento yamehlo kule iviki ngoMvulo ekuseni kulandela ukubona isidumbu sowesilisa phakathi egumeni lesikolo.
Kubikwa abafundi ababili abaku-Grade 5 esikolo se-Ntunta Primary eSizinda bahlangane lale inkemenkeme ngehola lesikhombisa ekuseni behlanza isikolo ekuseni.
UMthunywa uzwe ukuthi isidumbu sowesilisa lo okucatshangelwa ukuba uleminyaka engu-21 besingagqokanga phezulu, sikhangele phezulu singemva kwamakilasi.
Isikhulumi samapholisa koBulawayo uAssistant lnspector Nomalanga Msebele ufakazile ngodaba lolu wathi basaqhubeka ngokuchwayisisa ngalo.
“Amapholisa akoBulawayo aphenyisasa ngodaba lwendoda etholakale esikolo se-lntunta Primary School ifile njalo ingagqokanga phezulu.
“Abafundi ababili ababeqhuba imsebenzi yabo ngesikhathi sekuseni ngo-7 yibo abahlangana lesidumbu lesi.
“Bebona lokhu abafundi babikela ababalisi babo bona abahle bafonela amapholisa,” kuchasisa uAsst Insp Msebele.
Uphethe ngokuthi bacela ongabe elolwazi ngokwenzakale kundoda le ukuthi abikele amapholisa aseduzane laye ukuze babotshwe.
Online Reporter