admin
KULOMLINGISI weSouth Africa ohlaselwe liqula labantu bethi yisipoko ngemva kokulingisa esifa kumabonakude ngesikhathi ehlinzwa esibhedlela.
Umlingisi lo, uNombuso ulingisa kumdlalo u-Uzalo odlala kuSABC 1 olabalandeli abedlula 8,1 miliyoni.
Kubikwa ngemva kokulingisa esifa abantu basuke bakholwa abakubone emdlalweni lo esifa bakwenza into eliqiniso.
Umlingisi lo njalo engumhlabeleli uThandeka Zulu kazange amukelwe kuhle ngababukeli laba ngethuba efika leqembu lakhe leAfro Soul ezolingisa kuUmkhabathini Festival eNagle Dam eduzane le Pietermaritzburg KwaZulu Natal. Kubikwa ababukeli laba basuka basebenzisa ukuzonda kwabo kuThandeka leqembu lakhe ngethuba befika lapha ngemota.
Elinye ilunga leqembu leAfro Soul uSabelo Ngema uchaze ukuthi bathi befika kule indawo abantu babahlasela.
“Sathi sifika abantu basihlasela ngakho sicabangela ukuthi babecabanga ukuba yithi esidale ukuthi umcimbi lo uphuze ukuqala njalo yithi esenze kwangabuyi abanye abahlabeleli.
“Imota yethu bayitshaya ngelitshe kodwa saba lenhlanhla ngoba kasizange salimala noma nje uThandeka kwamkhathaza kakhulu lokhu,” kutsho uMnu Ngema.
Online Reporter