admin
Nkosilathi Sibanda
UKUMEMETHEKA kodlame bobulili ezindlini lasezigabeni jikelele kufuqe abalobi abahlanu bakoBulawayo ukuthi balobe ugwalo olukhuluma ngenhlalo yabantu lodlame ngalesi sikhathi seCovid-19.
Lolugwalo lukhutshwe ngesikhathi sombukiso wezemidlalo oweNtwasa Festival eNational Art Gallery koBulawayo ngeviki edluleyo. Lulotshwe ngesiNdebele njalo lulesihloko esithi; Umdlavuza Wenhlalakahle, okulibizo lesiNdebele elichaza “iCancer of Wellbeing” ngesilungu.
Abalobi abahlanganise amakhanda bahlanganisela abesilisa labesifazane abathi uSithabile Moyo
Nokuthula Sibanda, Philani Mathuthu, Zibonele Dube, Cleria Ndlovu loZibusiso Mabonisa.
Ingcitshi zabalobi lezi zibike ukuba balobe ngenhlobo ezehlukeneyo zokuhlukumezana emphakathini okungaba phakathi kwezithandani loba emidenini. Kungabe kungabesilisa abahlukumeza abesifanzane kodwa abesilisa labo bazithola behlukunyezwa njalo.
Kumbiko abawuthumele iphephandaba likazulu ngempelaviki, abalobi laba bathe bahlose ukwazisa abantu ngezehlakalo zodlame bobulili phakathi kwalolubhubhane lweCovid-19.
“Ugwalo lunikeza amacebo okuxazulula udlame. Izixwayiso lezi zibalisela indlela zokusebenzisa amasiko lapho imdeni engahlala phansi ixazulule inkinga,” kutsho abalobi.
“Kungasetshenziswa njalo lendlela zamanje lapho okungafuneka lamapholisa lezinye ingatsha zomthetho. Ugwalo lolu lufundisa luphinde lusole bonke abadala ingozi lodlame.”
*Landela loludaba ebulenjini kuMthunywa, abalobi bekhuluma kabanzi ngogwalo lwabo.
Online Reporter