admin
Ethel Ncube
AMAPHOLISA akuleli aweZimbabwe Republic Police asesungule uhlelo lokusebenzisa ama-drone ukuhlola okwenzakalayo ezindaweni ezitshiyeneyo ngenhloso yokwehlisa amacala elizweni.
Amapholisa kumbukiso walonyaka weZimbabwe International Trade Fair aveze ukuthi aseqalisile ukusebenzisa ama-drone eHarare njalo bakhangelelwe ukuthi bawasabalalise endaweni zonke zelizwe.
Isikhulumi samapholisa esabelweni seMatabeleland North ulnspector Glory Banda uchazele uzulu obefika kusitanda samapholisa ngokusebenza kwama-drones.
“Ama-drone azenza umsebenzi wamapholisa ubelula ikakhulu khathesi ilizwe libhekane lobhubhane lweCovid-19.
“Ama-drones la azasebenza njengenhloni ezibona lapho okudalwa amacala amanengi kumbe lapho abantu abayabe bedala amacala.
“Amapholisa ahle agijime ayechathama lapho masinyane abambe izephula mthetho lezo encediswa yimitshina leyo,” kubika uInsp Banda.
Uqhubekele phambili eveza ukuba ama-drones alomsebenzi omkhulu kakhulu njalo azengeza izinga lokusebenza kwamapholisa.
“Ukusebenzisa imitshina le kutsho ukuba ama-drone azakuba lilihlo lamapholisa eliphucukileyo njalo elenza umsebenzi ubelula. Labo abadala amacala labo kuba lula ukuthi babotshwe ngoba imitshina ihle itsho lapho abakhona bengakabaleki,” kuphetha uInsp Banda.
Online Reporter