Online Reporter
Ethel Ncube
Inkampani yeHamara, inikeze abatayilayo abeMatebeleland South abangena kuMiss Rural Matabeleland, amatsiyane angu -2 000 abazawafuya bathole ukuziphilisa ngoLwesithathu koBulawayo.
UYolanda Nkomo onguye owaba nguMiss Rural Matabeleland South ngo2024 uphe amazwi okubonga ngesenzo salinkampani esizakwenza bathole ukuziphakamisa empilweni.
“Ngithanda ukuzehlisa, ngibonge ukuthi ngathola ithuba lokungena kuMiss Rural Matabeleland South. Ukungena lumncintiswano yikho osokwenze lamuhlanje siphiwe amatsiyane la okuqala amaphurojekithi ethu,” kubika uYolanda.
Ekhuluma emcimbini lo, uSipho Mazibuko onguye owaqala u-Miss Rural laye wethule ukubonga kakhulu ngesipho samatsiyane.
“Sithanda ukubonga inkampani yeHamara ngalokhu esenzele khona, lokhu kuzasiza kakhulu ekuphathiseni amantombazana asakhulayo ukuthi abelakho okungawanika ukuziphilisa. Ngethule ukubonga kuzulu wonke owaphathisayo ngesikhathi kulungiselelwa u-Miss Rural Matabeleland South, lonke lizizwe libongekile. Amatsiyane la azagcinwa, kuthi enye yenzuzo ezatholakala, ibhadalele intandane imali yesikolo,” kuphetha uMazibuko
