Amadoda 3 atshintshana ukudlwengula umfundi

Narrating her story, the woman said the officer had given her a dollar to buy food while she was sitting in the charge office. “When I denied his sexual advances, the police officer wrestled with me arguing that I had to return his one dollar.He took advantage of the fact that I had disclosed that I had no other money for transport to return to Madziva.”

Wayne Ncube

KULAMADODA amathathu akoBulawayo adingwa ngamapholisa kulandela ukudlwengulwa komfundi oleminyaka engu-16 ngoMvulo emoteni andubana bamtshiye endleleni, uMthunywa uyakuveza lokhu lamhlanje.

Abetheswacala abangakatholakali amabizo abo kubikwa bagadisa umamangala esuka edolobheni iHonda Fit elombala oyisiliva kodwa baphambuka indlela bacina besiyatshintshana ukumhlukuluza emgwaqweni uTownsend.

Kubikwa ngesikhathi umamangala egada kwakulamadoda amathathu phakathi kwemota, omunye wabo etshayela.

Isikhulumi samapholisa uAssistant Commissioner Paul Nyathi uthe umamangala wayethunyiwe ngesikhathi aze ehlelwe ngamashwa la.

“Untombazana lo kukhanya wayethunyiwe ngumzali wakhe edolobheni, uthe esebuyela endlini yikho lapho agada khona imota le eyayilamadoda la amathathu.

“Amadoda la atshibilika endleleni aqonda emasabhabha lapho afika khona amisa imota kuTownsend Road atshintshana ukumdlwengula andubana amtshiye khonapho,” kuchaza uAsst Comm Nyathi.

Uqhubekele phambili esithi njengamapholisa badinga usizo lukazulu ukuze kubotshwe amadoda enze isihluku lesi.

“Sicela ongabe elolwazi ngamadoda kumbe ongabe wabona imota le azise amapholisa ukuze babanjwe ngokuphangisa.

Uphethe ngokuxwayisa abazali ukuthi bangathumi abantwana abasakhulayo ezindaweni ezikhatshana ezidinga ukuthi bagade izimota ngoba lokhu kufaka impilo zabo engozini.