admin
U-AGNES wabulawa nge-grinder isidumbu sakhe sayalahlwa ensimini, eSunnyside indawo eseTshwane kweleSouth Africa. Isimanga yikuthi imuli yangakwabo isihlala ithola ama missed call asuka kunombolo zakhe zikamakhalekhukhwini.
Indoda ezala u-Agnes yethuka ithola i-missed call esuka kumuyi.
U-Manze Guni (48) uthe ngemva kokubhubha kwendodakazi yakhe inombolo zakhe zikamakhalekhukhwini zafonela unina oseZimbabwe ngelinye ilanga ekuseni.
Uthe inombolo le yamfonela laye njalo mhlaka 26 Nkwenkwezi.
Uthe inombolo le yaqala ukufonela amanye amalunga omdeni.
“Owayefona kukhanya ngowesilisa ngoba wayesabela nje abesezithulela nje.”
UManze uthi wathutha eBuffer Zone eMamelodi lapho ayehlala khona lendodakazi yakhe besiya eNelmapius.
“Ngangingasaphephanga ngoba abantu ababulala indodakazi yami babelezihluthulelo zendlu esasihlala kiyo,” utsho njalo.
“Kwasokumele ngisuke, ngicabangela ukuthi abantu ababulala indodakazi yami batshontsha izihluthulelo kanye le-sim card yakhe.”
Uthe ngemva kokwedlula emhlabeni kukaAgness wananzelela ukuthi i-laptop yakhe ebiza imali engange 5000 randi kanye lezicathulo zendodakazi yakhe kwakungekho.
“Akula omunye umuntu owayelezihluthulelo zendlu yethu ngaphandle kwami loAgnes. Abasebenzisanga i-grinder kuphela ukubulala u-Agnes kodwa basebenzisa njalo umhedla.
“Umsolwa wavuma enkambeni yeSunnyside ukuthi nguye owabulala indodakazi yami.
Wengezelele wathi kajabuli ngendlela icala leli elicubungulwa ngayo.
“Ngifuna labo ababulala umntanami baphiwe udilikajele,” utsho njalo.
Isikhulumi samapholisa uInspector Daniel Mavimbela uthe kulomsolwa oyedwa okucatshangelwa ukuthi nguye owabulala u-Agnes osowabotshwayo.
“Amapholisa enza konke okusemandleni awo ukucubungula lindaba.”
“Abomdeni sibabikela ngakho konke okwenzakalayo,” kuphetha uInsp. Mavimbela. — Daily Sun
Online Reporter