admin
UMQEQETSHI weBafana Bafana, uShakes Mashaba, ubike ukuba iSouth African Football Association (Safa) imxotsha ukuze inike umsebenzi abantu abangabangane labasondelene lenhlanganiso le.
IBafana Bafana inqobe umdlalo obalulekileyo idlalela ekhaya leSenegal emdlalweni wokuhlungela iNdebe yoMhlaba yangomnyaka ka-2018 ePeter Mokaba Stadium ngoMgqibelo edluleyo.
Kodwa-ke lokhu kunqoba kulandelwe ukuzibandakanya kukaMashaba “esigamekweni esingamukelekile”.
Umqeqetshi lo oleminyaka engu-66 yokuzalwa usemiswe yi-Safa ngalesi senzo sakhe.
Kubikwa umongameli weSafa, uDanny Jordaan kanye lomaqhuzu uDennis Mumble, babehola ithimba eliphezulu elaliyohalalisela uMashaba ngemumva komdlalo.
Umqeqeshi weBafana wavele wavuka indlobane wabhodla umlilo.
Kwala noma umethuli wezinhlelo kuSABC ezama ukwehlisa umoya uMashaba kodwa kwanhlanga zimuka lomoya, waqhubeka lokwakubukeka engathi wayetshiya angalazi kwabezindaba kanye lakubukhokheli be-Safa.
Omunye wabasebenzi beSABC uveze ukuthi iSABC yayingasakwazi lokuthatha okwakwenzeka bukhoma ngenxa yokuziphatha kwaMashaba.
“Wayegxeka wonke umuntu, ekhomba ngeminwe abezindaba kanye leSafa ikakhulukazi, ethi bamfuna ehambile ukuze abangane babo bezonikezwa umsebenzi,” kutsho isisebenzi seSABC. — Ubulembu
Online Reporter