admin
Nkosilathi Sibanda
IQEMBU likanobhutshuzwayo ele-Azam FC libike ukuba lijabule kakhulu ukuthi umgadli walo uPrince Dube usephendukile kuhlelo lokulolonga.
UPrince, ofike ku-Azam FC waphiwa ibizo elithi “The Beast” ubelimele isandla sokunxele kulandela umdlalo weqembu lakhe lethimu ye-Young Africans ngoLwezi kumnyaka odluleyo.
I-Azam ibike enkundleni zayo zokuxhumana ukuba uPrince usephendukile ezandleni zabaqeqetshi.
“Umgadli wethu uPrince uqalisile ukulolonga labanye bakhe eqenjini ngoLwesine. Usephephile ekulimaleni kwakhe isandla sokunxele, okwenze wahlala phansi kumidlalo eyisithupha,” kutsho umbiko we-Azam.
Umgadli lo, olenyanga ezimbili eseTanzania wafika waphathwa emlonyeni yabalandeli lababukeli bebhola leligi ephakemeyo kulelo eye-Vodacom Premier League. Ngaphandle kokuhlohla, uPrince uncedise kakhulu ukunikeza abanye abadlali ukuthi balithele emambuleni.
Umdlali lo, loba ekhokhele ngamabhola, bakhona abamhlezi izithende okutshengisa ukuthi ibhola leTanzania lonyaka lizakhipha umncintiswano wengcitshi zokuhlohla.
Online Reporter