admin
Nkosilathi Sibanda
ABADLALI abangu-11 abenze kuhle kulisizini yeCastle Lager sebekhethiwe.
Kuqembu leHighlanders kungene abadlali ababili uPrince Dube lo-Ariel Sibanda ukaputeni weqembu. Omunye wabo obekhangelelwe ngabalandeli bonke abazi inguqu uqobo nguPeter Muduhwa. Imvimbi yeTshilamoya le kwalile ukuthi iphenduke kukhalenda yengcitshi ngoba ithole amavoti amalutshwane.
Kuzazwisa ubuhlungu kubasekeli beHighlanders ukuthi umdlali lo abambone etshila umoya wamaqembu wonke uvalelwe phandle ngabavotayo.
Ekhuluma lephephandaba likazulu ngoLwesithathu emini, ukaputeni weBosso uthe bekungeke kwenzakale ukuthi kusweleke abadlali bethimu yonke. Lo asimsebenzi wami ngedwa kodwa ngowabadlali labaqeqetshi bonke esilabo eqenjini. Ngiyababonga ngokungivikela lokungikhuthaza,” kutsho uSibanda.
Castle Lager 2019 Soccer Stars: Ariel Sibanda, Prince Dube (Highlanders), Clive Augusto (Chicken Inn), Ian Nekati (ZPC Kariba), Joel
Ngodzo, Phineas Bhamusi (Caps United), Never Tigere (FC Platinum), King Nadolo (TelOne), Evans Katema (Dynamos), Wellington
Taderera (Black Rhinos), Ralph Kawondera (Triangle).
Online Reporter