Online Reporter
AKUZANGE kuhambe ngendlela ebilindelekile ukuthengiswa kwamatikiti okubukela umdlalo we-final yeNedbank Cup phakathi kweKaizer Chiefs le-Orlando Pirates, ozabe ukhona ngoMgqibelo emini, eMoses Mabhida Stadium, eThekwini.
Njengoba bekubikwe ukuthi amatikiti la abiza R150 lilinye azaqala ukuthengiswa ngoMvulo ngehola letshumi ekuseni, kutshaye ihola letshumi lasitshiya galombili emini kwaze kwedlula, abalandeli bemi emzileni wokuthenga besehluleka ukuthenga.
Okuxakayo yikuthi lalabo abakade bezama ukuwathenga ku-website ye-Open Tickets bebekhala enkundleni zokuxhumana ngokulindiswa isikhathi eside.
Bekulindeleke ukuthi athengiswe aphangise ukuphela kodwa kucine kucaca ukuthi kuzaphuma isidumbu ngenxa yokungahleleki kakuhle kohlelo.
Kuhambe kwaze kwabikwa ukuthi kawasathengeki ngoba imitshina kayisasebenzi.– Ubulembu
