admin
YiNtatheli kaMthunywa
ABANTWANA besikolo kumele banikezwe ithuba lokudlala imidlalo eyehlukeneyo ukuze bathuthukise amathalenta abo, ngenjongo yokuziphilisa kwelakusasa.
Lokhu kuvezwe ngumbuthano wamalunga enhlanganiso yeBulawayo Volleyball Association (BVA) ngesikhathi isethula inhlelo zayo zalonyaka ngeviki edluleyo.
Umdlalo we-volleyball, njengayo yonke elizweni, ibiphazamiswe ngumkhuhlane weCovid-19, obuvimbele ukuqhutshwa kwemincintiswano.
Ngemva kweminyaka emibili inkundla zivaliwe, amaqembu akoBulawayo azaqala ukuncintisana ngoMbimbitho, ngokutsho kweBVA.
Ukusungulwa kwe-beach volleyball edlalelwa etshebetsheni, ezikolo, kusehlelweni lwalinhlanganiso lonyaka.
Ekhuluma lentatheli yephephandaba likazulu ngoLwesibili ekuseni, umgcinisihlalo weBVA uWilliam Mzviro uthe ngesikhathi ezemidlalo sezivunyelwa ezikolo, bazabe sebelungiselele.
“Njengenhlanganiso sifuna ukusebenza lezikolo kumdlalo we-beach volleyball. Ukuthuthuka komdlalo kuqala lapho,” kutsho umgcinisihlalo.
Kusenjalo, kuzaqhutshwa umncintiswano wokuvula iligi mhlaka 6.
Online Reporter