Vusumuzi Dube
AMALUNGA omphakathi weMatikwe, eNanda, eSouth Africa athi liphume lobomvu ngokudutshulwa kubulawe abasolwa abangu-4, ngamapholisa ngoLwesibili ebusuku.
Kuthiwa babulawa nje, bebewuhlalise kabi umphakathi wakulindawo, njengoba bebeyibamba inkunzi emini libalele, nge-zikhali eziyingozi.
Amalunga omphakathi wakulindawo abhale ezinkundleni zokuxhumana ezehlukeneyo, ezwakalisa ukujabula kwawo ngokubulawa kwalaba.
Ilanga likhulume lamanye amalunga omphakathi ngemva kwalesi sehlakalo, aveze ukuthi bebeluhlupho emphakathini ngokubamba inkunzi. Umphakathi uveza lokhu nje, ngoLwesibili amapholisa adubule abulala laba abesilisa eMatikwe kusehlakalo esenzakale ebusuku.
Ngokwesitatimende esikhitshwe ngamapholisa, abasolwa bebefunelwa amacala okubulala, ukuzama ukubulala, lawokubamba inkunzi kuhlonyiwe.
Amapholisa abike ukuthi abelandela umkhondo owaholele kumkhukhu olamakamelo amabili obulabasolwa. Kubikwa ukuthi athe uma efika amapholisa kwaba lokudubulana phakathi kwawo labasolwa, okucine ngokuthi basale enkundleni bobane.
Amapholisa aveze ukuthi endlini obe-kucatshe kiyo abasolwa, kutholakale izibhamu lezinhlamvu. Kulokhu kudubulana, akula mapholisa alimeleyo.
Umthombo okuleya ndawo uveze ukuthi amapholisa ahlasele ngezithuba zabo-9 ebusuku.
“Ngithe uma ngiphuma emnyango ngisizwa ukuqhuma kwezibhamu, ngabona inqwaba yamapholisa abepake izimota ngaphandle. Uhlobo lwezibhamu ebeziqhuma laphaya, bekuzwakala ukuthi ngezinkulu.
Sithe uma sibona, sasola ukuthi yibo laba bafana ngoba siyabazi ukuthi bayahlupha futhi sebekhathazile emphakathini,” kutsho umthombo.
Ilunga lomphakathi elikhulume lentatheli ngaphansi kombandela wokuthi lingavezwa, liveze ukuthi abasolwa bebesaziwa ngokubamba inkunzi emphakathini, futhi lokhu bebekwenza emini abantu bekhangele bephathe izikhali eziyingozi.
Liveze ukuthi lumuzi abadutshulelwe kuwo, ngokanina omdala womunye wababuleweyo obizwa ngokuthi Sbonelo odume kakhulu “ngelikaWah” emphakathini, esingatholakalanga isibongo sakhe.
“Lezi zingane beziluhlupho emphakathini, khona kubuhlungu ikakhulu kubazali bazo ngoba bebezikhuza ngalokhu kuganga. Yize ngingabazi kahle izibongo zabo, kodwa abantu abebesendlini bekungoSbonelo, uSanele (esingatholakalanga isibongo sakhe), omunye odume ngelikaBhele bese kusiba loSfiso Mngongoma.
“Abanye babo bebengahlali eMatikwe kodwa bebehlala eMzinyathi, oyedwa wabo umdeni wakhe uke wahlala lapha kodwa usuthuthele eMzinyathi. “Amalunga omphakathi ajabule ngokubulawa kwabo ikakhulukazi lawa abehlukunyezwa, ebanjwa inkunzi. Lo okuthiwa nguSfiso bese sizitshela ukuthi uzoyiyeka lento ngoba usanda kuphuma e-rehab, ngenxa ye-whoonga.
“Uphume sazitshela ukuthi ngeke esaqhubeka lokuganga, okubuhlungu ukuthi lezi zingane bezikhuzwa ngalokhu kuganga kwazo,” kutsho ilunga lomphakathi. —Isolezwe
Online Reporter