admin
UPONTSHILE umtshado obekumele ube khona lonyaka, ngesikhathi umkhwenyana elanda amalobolo akhe ekhweni, eShiyane eDundee, emva kokuthola ukuthi intombi yakhe ithenjiswe ngomunye umuntu umtshado.
UMnumzana Sthembiso Gambushe (35), weMthwalume, ugasele ekhweni lakhe ngeSonto ehamba labafowabo lamapholisa e-Helpmekaar, abebewacele ukuba abaphelezele bayolanda okungokwabo.
Isolezwe lithole ukuthi uGambushe loNksz Nosipho Mayeni (34), bekumele babophe ifindo likasofa silahlane ngoNcwabakazi lonyaka kodwa kwangenzakali ngenxa yokuphazamisa kwegcikwane leCorona.
Umtshado bekumele ube sekupheleni kwalonyaka noma kuqala ozayo njengoba umkhwenyane etshaye ingqimphothwe walanda amalobolo.
Isolezwe lithinte umkhwenyana ukuqinisekisile ukuthi usendleleni ebheke kubo, uphuma ekhweni, ugoduka lenkomo zakhe ezine, imali engukheshi izolandela kungakapheli uMpalakazi.
“Impela kunjalo, bekumele sitshade lonyaka ngoMpalakazi kodwa kwangenzeka ngenxa yeCovid-19, sesithi sizatshada ekupheleni komnyaka noma kuqala ozayo. Kakusenzekanga ngoba ngilande amalobolo ami. Ngikhuluma lawe nje ngiphethe izinkomo ezine zoboya engalobola ngazo, ngibuyela lazo ekhaya.
Ngathintwa ngomunye wesifazane kuFacebook, ethi ingoduso yami ithandana lendoda yakhe. Wangitshela lokuthi indoda yakhe isimethule emdenini wayo, yathi izomtshada abe ngunkosikazi wesibili. Ngabuyela engodusweni yami, yathi iyamazi lo wesilisa okukhulunywa ngaye kodwa kabaqomene.
Kodwa bengibona ehamba eya eMpumalanga, lapho kuthiwa kusebenza khona lo wesilisa, okuthiwa uzomfaka esithenjini. Ingoduso yami yavele yathi mangivele ngizolanda amalobolo ami, uma ngiyibuza ubuqiniso balolu daba, kayizange isalokhu ingiphendula.
Yingakho-ke lamhlanje (ngeSonto), ngilande amalobolo ami,” kutsho uGambushe.
Uthe bacele amapholisa abaphelezele uma kwenzeka bebhekana lenkinga ebukhweni.
“Ebukhweni kabafikanga baba lenkinga, kuphela nje ugogo wengoduso uthe akakwazi lokhu engithi kwenzekile. Uthe le nto ibafaka ehlazweni kabi kodwa angizithathe izinkomo ngoba bezisesibayeni. Imali engukheshi uR35 000, uthe bazowufaka ebhange ungakapheli umnyaka,” kutsho uGambushe.
Uthe izindleko zizonke zakhe zokulobolo bezicela kuR60 000 kodwa ukuze enze ubulungiswa wacela lezi.
Kuthintwa ugogo wengoduso, uNkk Sibongile Kubheka, ukuqinisekisile ukuthi udaba lwalaba bobabili uyalwazi.
Kodwa wavala ucingo uma kucelwa ukuthi aphawule. Isolezwe liphinde lamthinta kodwa ucingo beseluvaliwe.
Isolezwe liyithintile ingoduso, ucingo lubanjwe ngowesifazane ongazitshongo, othe: “Akekho uNosipho. Wucingo lwasemsebenzini lolu.”
Eminye imizamo yokuthola umdeni wowesifazane ukuba uchaze lokulandwa kwamalobolo kayizange iphumelele.
Ingoduso ithunyelwe i-sms yangaphendula.
UGambushe uthe baleminyaka emihlanu bethandana lalo wesifazane, aqala ukumlobolo ngo-2018, wabe esemembesa. – Isolezwe
Online Reporter