Online Reporter
Nkosilathi Sibanda
KULANDELA ukuqala ukuthethwa kwecala lokusolwa ngobugwelegwele okucatshangelwa ukuthi benziwa ngumsekeli kaSodolobho wakoBulawayo u-Edwin Ndlovu labanye, sekulamakhansila amabili asezama ukuzesula kulelicala ngokuzethula kunhlanganiso yeZimbabwe Anti-Corruption Commission (Zaac).
Amakhansila la nguMxolisi Mahlangu lo-Ashton Mhlanga. Bobabili amabizo abo aqanjwe emthethwandaba lamuhla, besolwa ngokuba lesandla.
Igqwetha labo uMnumzana Nqobani Sithole ukhulume lephephandaba likazulu ngoLwesibili emini ngesikhathi evakatshele emahofisini eZaac eloMahlangu loMhlanga.
Bafice kungelamuntu emahofisini la.
Igqwetha lithe bayaphenduka njalo emahofisini la ngehola lesine.
Kusenjalo, uNdlovu labanye ababili abasolwa laye ukhansila uNtandoyenkosi Ndlovu kanye lowayenguKhansila weWard 22, u-Alderman Rodney Jele, babhekane lecala lokwenza ubugwelegwele besebenzisa izikhundla zabo.
Abathathu bavele phambi kukaMantshi waseBulawayo uMnu Isheunesu Matova ngoMvulo.
Icala liyaqhubeka.
