Online Reporter
Bongani Ndlovu
SEKUBUYE kwehla njalo iyezi elimnyama kuqembu leHighlanders kulandela ukufa kwabalandeli beqembu abayisithupha, engozini yomgwaqo eyenzakale duzane le-Amazon, eFilabusi ngeSonto.
Kube labanye abantu abane abalimeleyo ngesikhathi imota yomhlobo weNissan NV350 abakade behamba ngayo ingqikilana le-tipper truck.
Abalandeli laba bebevela koBulawayo kumdlalo obuphakathi kweHighlanders leHerentals. Bebesendleleni yokuya eFilabusi ngesikhathi ingozi isenzakala, besebesalelwe ngamakhilomitha angaba yi-15km ukuthi bafiea eFilabusi.
Umkhokheli weFire Brigade koBulawayo, uMnumzana Mhlangano Moyo uthe iqula lezicitshamlilo eNsiza Rural District Council liphangise lafika endaweni yengozi, lasiza ukukhipha abanye abakade bevalelwe phakathi kwemota.
“Ingozi le yenzakale e-Amazon, ku-15km ngaphambi kweFilabusi. INissan NV350 ebithwele abantu abalitshumi, isuka koBulawayo iqonde eFilabusi ngemva komdlalo weHighlanders, itshayelele ngemva kwemota enkulu ebithwele itshebetshebe,” kutsho uMnu Moyo.
Uthe abantu abayisithupha bahle bedlula endaweni yesehlakalo kwathi abanye abane balimele.
“Iqula lethu leNsiza RDC lifike ngokuphangisa endaweni yengozi, lancedisa ekukhupheni abantu phakathi kwemota.”
Isiphetho…
