admin
YiNtatheli kaMthunywa
USAZIWAYO, ozibiza ngokuthi ungumahlekisa wesizwe uMadlela Skhobokhobo uthe isiphiwo sakhe sokuthokozisa abantu sizabonakala kabanzi kufilimu entsha yase-South Africa, u-The Bad Bishop.
UMadlela Skhobokhobo ukhethwe yinkampani yodumo eye-Becky Casting Agency ngemva kokubonakala ukuthi ulethalenta lokulingisa. Inengi labalandeli bakhe limazi engohlabelayo njalo edume ngengoma yakhe ethi “Ngamnanka uSaMaMoe.”
Inkampani yeBecky Casting Agency idume kumabonakude ngokuqeqetshisa abalingisi abaphuma kuMzansi Magic, Muvhango, uZalo, iMbewu, Diepcity, UBettina Wethu le-The Station.
NgoLwesibili uMadlela wethulele uMthunywa ngokuthaba kwakhe ukukhethwa ukuthi alingise eMzansi.
“Ngigcwele intokozo bakwethu. Bengithi mina lo uDlelas, uDlam Dlam, umahlekisa isizwe ngizaphelela ekuhlabeleni lokuhlekisa abantu. Nanko ke, sengisiya eMzansi ukuyalingisa ku The Bad Bishop…”
Buka ividiyo kaMadlela Skhobokhobo ekhuluma ngekusasa lakhe engumlingisi ku The Bad Bishop.
Online Reporter