admin
YiNtatheli kaMthunywa
UMONGAMELI weZimbabwe National Karate Federation (ZNKF), uJoe Rugwete, uthe bakhangelele ukubuyela enkundleni ngendlela ezahlala emkhumbulweni yabantu ngeKurai Open Karate Championship ekupheleni kwalinyanga.
Umqhudelwano lo uzaqhutshwa enkundleni yeChitungwiza Aquatic Complex mhlaka 30 Mfumfu.
“Umqhudelwano lo ufika ngesikhathi lapho iZimbabwe National Karate Federation isanda kwamukela izinqumo ezintsha zokuqhuba imncintiswano yalumdlalo,” kutsho uRugwete.
“IKarate-do Kofukan Zimbabwe, iveza ithuba elihle lokuthi sizihlole njengoba sikhangelele ekwenzeni imicimbi esezingeni lomhlaba. Sikhangelele phambili kubakhokheli lezikhulu ukujabulela ukubuyela emncintiswaneni.”
UGerald Muusha, ongusihlalo weqembu leKurai Kofukan Karate, uthe umncintiswano lo unikeza abadlali ithuba lokuzibonakalisa phambili kwabakhethi izwe lonke kumincintiswano ehlukahlukeneyo yamazwe omhlaba.
“Kungumkhankaso wesibili weKurai Championship Karate Championship kulandela lo owaphutshwa ngempumelelo ngo-2019. Ngokuhambisana lalokho okufunwa ngama-Olympics, kuzokwenza kahle, ukuqinisa ubungane lenhlonipho, sifuna ukuhlanganisa umdeni we-karate ngemva kwesikhathi esingaphezu komnyaka sokungasebenzi okwenziwe yiCovid-19.
“Abadlali bazabe bencintisana ukuze bazibonakalise ngaphambi kophiko lwabaqeqetshi, ” kutsho uMuusha.
Unxuse labo abazahambela imbuthano yemidlalo le ukuthi bahlale bekhumbula ukuthi iCovid-19 isesekhona njalo balandele izeluleko zonke zokuvikela lumkhuhlane.
Imali yokubhalisa ukudlala ifakwe ku-US $15 ku-Kata, Kumite US$15, Kata laku-Kumite US$20, ukubhaliswa sekwedlule isikhathi US$10 kanye lemali yokubhikitsha eku-US$30.
Online Reporter