admin
YiNtatheli kaMthunywa
UMQEQETSHI wamaWarriors uNorman Mapeza uzatshintsha ukuma kwabadlali bakhe abasemuva nanko phela uthe udinga ukuthi iqembu lakhe linqobe kumdlalo walo leGhana lamuhla emini.
Umdlalo lo uzadlalelwa enkundleni yeNational Sports Stadium eHarare ngehola lesithathu ngemva kwemini enkulu.
UMapeza ubize loKhama Billiat ukuthi azozama ukuqinisa abagadli phambili, kudingwe amabhola amanengi. Umdlali lo uthenjiwe ukuthi awathele emanethini amabhola, asize iZimbabwe iqede umkhankaso wayo inqobe kumdlalo lo.
Umqeqetshi, kumdlalo wakuqala leGhana wasebenzisa uMarshall Munetsi loKelvin Madzongwe emuva. Okwamangalisayo yikutshiya kwakhe uTeenage Hadebe, uBrendan Galloway lo-Alec Mudimu ebahlalise ebhentshini.
Kulumdlalo iZimbabwe yanqotshwa nge3-1.
Kukhanya uzakhetha uHadebe loGalloway abaqalise enkabeni yokuvimba. Umdlali uTakudzwa Chimwemwe engahle afakwe emuva endaweni ka Tendayi Darikwa.
UBilliat futhi uzakuba sembangweni wendawo yokuqala, njengoba wayengekho kumdlalo wangoMgqibelo.
Online Reporter