adminNGITHEMBA likahle lonke bafundi emakhaya njalo liqhuba kuhle ezifundweni zenu.
Kule iviki ngifuna sifunde indaba yokuzwisisa libe selizaphendula imibuzo engaphansi.
Nansi indaba yethu yokuzwisisa.
Kwakukhona indoda eyayithanda ukugola inhlanzi isebenzisa iwuka. Yayivuka lelanga lingakaphumi iyekuthi kho embundwni wedamu igole lize litshone ilanga. Kwelinye ilanga kwenzakala insindabaphenduli yendaba. Indoda le yayikade ihlezi emadwaleni yasitshintsha indawo isiya embundwini. Emadwalweni lapho yatshiya ijazi layo elimhlophe. Umaxolo losapho lwakhe babesithi ijazi lendoda yiyo indoda kanti baphaphalazile. Ngelikade yanyenya inkunzi yengwenya yafika yalithi dluku yayakuthi bhudlu lalo emanzini. Yalikhafulela isibongo kungesinyama. Yasukuma indoda isigexa amadolo yazihudula yaqonda emzini wayo yafika yatshela abantwabayo.
Phendula imibuzo elandelayo
1. Yayithandani lindoda?
2. Yayisebenzisani lindoda nxa ithiya?
3. Umaxolo yi…….
4. Ijazi lalilombala bani?
5. Ukuphaphalaza yiku….
6. Ijazi lalisele e……..
7. Ukudlukuza yiku…..
Umsebenzi wesibili
Chaza ngokugcweleyo ukuthi kuyini lokhu.
1. Impukane
2. Uhlangothi
3. Idanga
4. Impundu
5. Umthala
6. Amalulu
7. Inkamanzi
8. Amangqina
9. Ububende
10. Ezangaphakathi
Ukufunda akupheli kodwa yazini ukuthi ukubala kuyancendisa ukuthi siphumelele.
Online Reporter