Online Reporter
YiNtatheli kaMthunywa
ABALIMI besigabeni seMatabeleland sebekhuthazwe ukuphatheka ku-horticulture ngoba ingabalethela inzuzo yakwamanye amazwe.
I-horticulture yindlela yokulima egoqela ukulima izilimo ezinjengamaluba, imibhida, amakhowa, utshani kanye lezithelo.
Linkuthazo iza ngemva kokuba inhlanganiso yeZimtrade inanzelele umkambo wezilimo ze-horticulture elizweni leBotswana.
UNkosazana Charity Mapira onguAgricultural Extension Officer esabelweni seMatabeleleland North uthe abalimi kabagxile ekwenzeni i-horticulture ngoba izilimo lezi zingaletha imali yakwamanye amazwe.
“Esigabeni seMatabeleland abalimi sibakhuthaza ukuthi benze i-horticulture ngoba kuyindlela yokulima engaletha inzuzo.
“Kulamazwe amanengi awangaphandle esingawathengisela izilimo zethu lezi njalo umkambo wazo muhle.
“Lokhu kutsho ukuthi umlimi uyayithola inzuzo enhle,” kutsho uNkszn Mapira
UNkszn Mapira uphinde waveza ukuthi ekadeni izilimo ze-horticulture zazikubanga lesithathu kumabhizimusi aletha inzuzo yakwamanye amazwe.
“Kudala, i-horticulture kwakuyindlela ilizwe elalithola ngayo imali yangaphandle ngakho lathi njengabalimi singancedisana ukuvuselela lokhu ngokuphatheka ekulimeni izilimo ze-horticulture.
Lokhu kuyisibonakaliso njalo ukuthi umkambo wezilimo ze-horticulture ubanzi.
Ekuphathekeni ekulimeni izilimo ze-horticulture abalimi kabasebenzise ama-hybrid seeds ukuze bathole isivuno esihle.
“Abalimi abenza i-horticulture kabasebenzise inhlanyelo ebizwa ngokuthi ngama-hybrid seeds ngoba inhlanyelo le ihloliwe njalo kayihlaselwa yimikhuhlane,” kuphetha uNkszn Mapira.
Peter Tanyanyiwa