Bunjiwe Mkwananzi
Gibson Mhaka
KULENDODA yeChefunye eTsholotsho eyenze ihlazo ngokutholakala inqunu ibhinya imbuzi ensikazi phakathi kobusuku esibayeni.
U-Leonard Moyo (36), ohlala eDugwi Line, eChefunye, usesezandleni zamapholisa kulandela ukuba umnikazi wembuzi evuswe yikukhala okungajwayelekanga kwesifuyo sakhe ngehola lokuqala ekuseni mhlaka 2 Ntulikazi 2026.
ULeonard uvele phambi kukamantshi uMnumzana Maxwell Ncube eTsholotsho ebhekane lecala lokubhinya isifuyo.
Kazange achithe isikhathi senkundla kodwa uhle walivuma icala.
Umnikazi wembuzi, uSithabile Moyo (52), utshele inkundla ukuthi waphuma wayahlola ngemva kokuzwa umsindo ongajwayelekanga esibayeni. Uthe wafica uLeonard ephakathi kwesibaya wasebiza umfowabo, u-Edward Moyo lendodana yakhe uThobekani Moyo.
Kubikwa bathi befika, bafica uLeonard esenza ihlazo leli lembuzi ensikazi emhlophe.
Inkundla izwe ukuthi wayefake ibhulugwe lakhe lempahla yangaphansi kwakubekwe phezulu kwemigoqo yesibaya, izicathulo lamasokisi kwakuphakathi esibayeni.
Ebuzwa ukuthi kungani esenza isenzo leso kazange aphendule.
Udaba lwabikelwa amapholisa eChefunye, ahle ambopha.
Ugwetshwe inyanga eziyisiyitshiya galombili ejele. Ezintathu zalengiswa kukhangelelwe ukuthi angadali icala elifanayo kuminyaka emihlanu ezayo, kwathi eziyisithupha zabekwa eceleni kukhangelelwe ukuthi asebenzele umphakathi amahola angu-315.
Online Reporter