admin
ABAFANA abayisithupha abaphuma kumhlubulo ongezansi yelizwe abadlalela isizwe kuqembu lama-Warriors babanjwe belegcikwane le-Covid-19.
Abadlali laba bayingxenye yeqembu elibizwe ngumqeqetshi uZdravko Logarusic kulungiselelwa imidlalo yeAfrican Nations Championship (CHAN) ngoba inengi libanjwe iCovid-19.
Lokho kutsho ukuba amaWarriors awasoze aqhubeke ngokulolonga kuze kutholakale ukuthi igcikwane selinyamalele kubo bonke ababanjiweyo.
Inhlanganiso yeZimbabwe Football Association yazise isizwe ukuthi abantu abalitshumi lane kuqula lama-Warriors bebehlangene belungiselela imidlalo le.
Kuqula leli, kubikwa abadlali abayisitshiya galolunye batholakale belegcikwane.
Isikhulumi se-Zifa uXolisani Gwesela uphange wabeka umbiko wokuthi sebemise zonke inhlelo zokulolonga.
“Iqembu seliqamule uhlelo lokulolonga kulandela lokho,” kutsho uGwesela.
“Abadlali sebetshelwe ukuba bazifihle, bangene ku-quarantine.”
Uthe iqembu lahlolwa ngoMvulo mhlaka 28 kuMpalakazi bevela kukhefu leKhisimusi.
“Bonke abadlali bacetshiswe ukuthi balandele izinqumo ezihlelwe yiWorld Health Organisation ezibalisa ukuzifihla. Abadlali batsheliwe njalo ukuthi bazise lemuli zabo,” kubika uGwesela.
Online Reporter