admin
UDISEBO Mtsokoba (38) ubesenza amalungiselelo omngcwabo kagogo wakhe esizwa ukuthi indlu yakhe isitshiswe liloja.
Inina leli elihlala eFreedom Square, Mangaung, uthe kazange akukholwe esizwa ukuthi iloja yilo elitshise umkhukhu wakhe olamakamelo amane ngeSonto ebusuku.
Iloja leli belisebenzisa ikamelo elilodwa njalo litshise indlu ngemva kokuxabana lentombi yalo, engumngane kamasitanda.
UNontobeko Kanono uthe wacela ezinyaweni sebexabana ngoba esesaba ukugwazwa okwesibili.
Kubikwa iloja leli selitshise indlu kamasitanda ladliwa ngumswenya.
UDisebo uthe: “Ugogo ubesanda kubhubha njalo bengisemzini wakhe ngisamukela ucingo lokutshiswa komkhukhu wami. Bengitshiye umngane wami omdala, uNontobeko lejaha lakhe, abangamaloja ami. Ngethukile ngisizwa kuthiwa umkhukhu wami usutshiswe lijaha lakhe.
Ngilahlekelwe yinto yonke futhi ngidabukile. Lokhu yikulahlekelwa okuphindiweyo.
UNontobeko uthe ijaha lakhe yindoda elolaka njalo engabulala umuntu lula.
“Besivela thambisa umphimbo etshabhini sathi sifika ngekhaya waqala ukuthi mina sengikhombile. Wathi kulendoda ebingikhangela etshabhini. Ngasengikhumbula ukuthi ngenyanga kaMbimbitho wangigwaza njani njalo bengingafuni ukuthi aphinde ukungigwaza. Ngasengibaleka ngaya kumama. Ngemva kokutshisa umkhukhu kamasitanda wangitshayela ucingo wathi uyeza ukuzotshisa indlu kamama futhi. Kangisamthandi, wangigwaza ngamxolela kodwa ngiphose ngafa. Kumele abhadalele lokho akwenze umkhukhu womngane wami,” kutsho uNontobeko.
Isikhulumi samapholisa sifakaze ngodaba lolu.
“Kuvulwe icala lokubhidlizwa kwempahla njalo lusachwayisiswa. Umkhukhu kawutshanga kutshe ezinye impahla ebeziphakathi. Umetheswacala kakabotshwa kodwa uyaziwa,” kutsho uBrigadier Motantsi Makhele.
Online Reporter