admin
UMBULALI ongelanhliziyo wavusa unina wentombi yakhe, uVuyiswa Mnyaka ekuseni emzini wakhe elokitshini leMarikana, ePort Elizabeth ukuze amtshengise ukuthi ubulele njani indodakazi yakhe, uAyanda Mnyaka.
UVuyiswa (51) uthe, “Ngo 5.27 ekuseni, ijaha lendodakazi yami lathutsha izandla kanye lempahla kugcwele igazi, laqoqoda. Wasesithi kimi, “Masalu, ngicela uzobona sengibulele indodakazi yakho.”
Ngangicabanga ukuthi mhlawumbe uyasoma, kodwa wakutsho lokhu okwamahlandla amanengi.
“Ubengazisoli ngitsho. Akwenze kundodakazi yami kungephule umoya.”
“Endlini yabo, ngathola indodakazi yami isembhedeni ogcwele igazi, lasemdulwini njalo wayegqoke isikhindi nje kuphela. Phansi bekugcwele amambodlela afileyo kanye lamapulanka agcwele igazi.
“Ngahlaba umkhosi ngoba kwangehlula ukukhangela isihluku lesi.
“Kangikholwa ukuthi indodakazi yami kayisekho. Izolo emini bebenatha utshwala endlini engemva kweyami, basebesuka. Kodwa khathesi indodakazi yami isibulewe,” kutsho uMnyaka.
“Sebelezinyanga ezimbalwa bethandana. Omakhelwane bathi bebesilwa nxa bengadakwa kodwa ubengakaze afike lapha elamanxeba kumbe ukuthi angitshele ngokuhlukuluzwa.”
“Igazi lomntanami lizakuba ngelokucina ezandleni zakhe. Ubengazisoli ngitsho, kukanti akwenze indodakazi yami kungephule umoya.”
Isikhulumi samapholisa uCaptain Sandra van Resburg uthe: “kulowesilisa oleminyaka engu-25 obotshwe esolwa ngokubulala. Amalunga emuli afice isidumbu sikaAyanda Mnyaka sisembhedeni silamanxeba. Umetheswacala uzamiswa emthethwandaba maduze nje esetheswa icala lokubulala.” — Ubulembu
Online Reporter