admin
UKUFAKA amahlamvu kumbe utshani – lokhu yikufaka utshani kumbe amahlamvu phansi ensimini ngenhloso yokwemboza umhlabathi. Ongakusebenzisa ukwenza lokhu butshani, amahlamvu kumbe izigodo.
Lokhu ungakwenza endaweni ezithola izulu eliphansi kusiya kweliphakathi laphakathi njalo ngeke ukwenze lapho okulezulu elinengi. Ukulondolozwa kwemvelo – Ukwehlisa kumbe kwezinye izikhathi ukwekela ukuhlakula kulakho ukuthi kwenze inhlabathi yakho ihlale ivundile okwenza njalo ibelakho ukugcina amanzi.
Ukulondoloza umhlabathi ngalindlela kungatsho njalo ukuthi kutshiywe amahlanga emasimini ukuze amanzi asenhlabathini angalahleki masinyane, kuphinde kuvikelwe ukugugudeka komhlabathi.
Ukujikeleza izilimo – ukuhlanyela izilimo ezitshiyeneyo kusigaba sinye ngasinye kwenza inhlabathi ibe ngeyohlonzi lwaphezulu njalo ibelakho ukubamba amanzi.
Izibonelo zigoqela ukujikeleza izilimo ezilempande ezitshonayo lalezo ezilempande ezingatshoniyo ezisebenzisa ubumanzi obungasetshenziswanga ngaphambilini, lapho izilimo zidonsa ubumanzi obusuka kuzigaba ezitshiyeneyo kusiya ngokutshona kwempande.
Ukujikeleza izilimo kulakho njalo ukuthuthukisa ukuvunda komhlabathi kuphinde kulawule njalo izibungwana kanye lemikhuhlane.
Online Reporter