Indaba ngamafitshane . . . Kugalula ababili bethiya inhlanzi

GWANDA

ZILOKHU zithithibele izakhamizi zeManyangwe eGuyu ngemva kokuba kugalule indoda lenina ngempelaviki edluleyo bethiya inhlanzi.

UMelody Mpofu oleminyaka engu-24 loMichael Paurini oleminyaka engu-49 bagalule ngesikhathi bethiya inhlanzi emfuleni uManyangwe.

Ekhuluma loMthunywa uTsepo Sebata uthe kukhanya owesifazana nguye owaqala ukuwela emanzini owesilisa wasezama ukumdonsa. 

“Silusizi ngesiga lesi, njalo ababili laba izidumbu zabo lokhu zingakakhutshwa emanzini.

“Kukhanya uMelody watshelela wabhudlukela lapho okutshona khona emfuleni. UPaurini uthe ezama ukumsiza kanti kabuzanga elangeni laye wahle wagalula emanzini,” kulandisa uMnu Sebata.

Isikhulumi samapholisa esabelweni seMatabeleland South uInspector Philisani Ndebele uthe udaba lolu solufikile ehofisini yakhe.

“Sikhuthaza abantu ukuthi nxa bethiya inhlanzi basebenzise amawuka ukuze singalahlekelwa yimiphefumulo ngendlela efana lale,” kuphetha uInsp Ndebele.