adminThokozile Mbedzi
ZIKHUZA imihlola izakhamizi zelokitshini lePumula North koBulawayo ngemva kokuba enye indoda ibanjwe xhaka ibhinya inja okudale ukuthi ibalekelwe ngumkayo.
Insumansumane le yenzakale ngoLwesithathu kuyonale iviki lapho uShingai Binga Mpofu atholakale khona ebhinya inja phakathi kwamabili.
UMpofu osebenza ukulinda kwesinye isitolo kulelilokitshi kubikwa phakathi kwamabili uyasuka emsebenzini ezobhinya inja abuyele.
UMthunywa ukhulumisane lo Mnumuzana Shepherd Mpofu umnawakhe kaShingai wathi uzwe umsindo wezinja ebusuku wavuka wathola umnewabo ebhinya enye yazo.
“Mina ngithe ngilele phakathi kobusuku ngezwa umsindo wezinja zikhala ngaze ngavuka. Ngithe ngifika phandle ngathola umnewethu ebambe inja eyibhinya. Lokhu kungethuse kakhulu okudale ukuthi ngibikele umkakhe kanye labomakhelwane.
“Ngokubona kwami umnewethu sekujayele ukubhinya inja le ngoba ngihlala ngisizwa umsindo wazo nsukuzonke ebusuku nxa efika evela emsebenzini. Kutsho ukuthi inja le uyayithwala ayise phandle ayeyibhinyela khona ukuze singezwa,” kulandisa uMnu Shepherd.
UMnumzana Ivine Moyo uthe kade sebekhathele ngezinja ezilala zibanga umsindo bengazi ukuthi ziyabe zihlukuluzwa.
“Mina njengomakhelwane oseduzane loMpofu besengikhathele ngomsindo wezinja ezihlala zibanga umsindo phakathi kobusuku. Mina ngiyabe ngisithi mhlawumbe kukhona ezikubonayo kanti uMpofu uyazibhinya. Ngokubona kwami kulezinsuku ngizaphumula sibili njengoba sebotshiwe,” kutsho uMnu Moyo.
UMnumzana Frank Ndlovu ongumngane kaMnu Mpofu ubikele intatheli ukuthi umka Mpofu uhlala ekhala ngokuthi umkakhe kamjabulisi endlini okuveza ukuthi uzisiza ngenja.
“Umka Mpofu uhlala ekhala ngomkakhe ethi kamjabulisi endlini lami ngiyake ngizame ukuthi ngimbuzisise uMpofu ukuthi kungabe kuhamba njani kodwa kazake angiphe impendulo ecacayo. Ngalokhu-ke ngithe sengisizwa kuthiwa uMpofu utholakale ebhinya inja ngihle ngakholwa sibili njalo sokuzikhanyela ukuthi okwenza engajabulisi umkakhe yikuthi uzisiza enjeni,” kutsho uMnu Ndlovu.
Umakhelwane kaMnu Mpofu oziveze ngokuthi nguMaTshuma uthe umkaMpofu uhle wathwala impahla zakhe wahamba ngemva kokuzwa lokhu.
“UMaSiziba kuthe ngemva kokuzwakala ukuthi umkakhe ubhinye inja wahle wathwala impahla zakhe wahamba ngakibo ethi ngeke akumele lokhu ngoba sekhathele ngomkakhe,” kutsho uMaTshuma.
UMthunywa uzwe njalo ukuthu uMpofu ebuzwa ngesenzo sakhe esilihlazo uthe uzwa efikelwa yimizwa yocansi angabona inja.
Isikhulumi samapholisa edolobheni lakoBulawayo uInspector Precious Simango ebuzwa ngale indaba uthe kakho ewofisini.
“Okwakhathesi kangikho ewofisini kangazi mhlawumbe idaba isifikile ewofisini,” kuphetha uInsp Simango.
Online Reporter