YiNtatheli kaMthunywa
INGXABANO yokungathembeki emtshadweni iphele ngokufa kabuhlungu eMutare ngeSonto, kulandela ukuba enye indoda igongode umkayo ngesando ekhanda yaze yambulala.
Isiga lesi esesabekayo senzakale ku-9008, eNatview Park, elokitshini leChikanga, njalo kuthiwa sibonwe ngumntanabo oleminyaka eyisikhombisa yokuzalwa.
Omele isikhulumi samapholisa esabelweni seManicaland, uAssistant Inspector
, uthumele imibuzo kusikhulumi samapholisa elizweni lonke, uCommissioner Paul Nyathi, ongatholakalanga ukuba aphawule ngodaba lolu.
Lanxa kunjalo, kuzwakale ukuthi uBlessing Makamba (30) lomkakhe uRumbidzai Matasva (27) besebeleminyaka bexabana emzini wabo.
Kubikwa uMakamba ubesola umkakhe ngokuba lobudlelwano lamanye amadoda.
Ngokutsho kwabafakazi abaseduze, ukungezwani phakathi kwalaba ababili kube kubi ngeSonto, kwaze kwaphetha ngokulwa okulesihluku.
“Ngosuku lolu ukungezwani kwaphenduka udlakela, uMakamba esetshaya uMatasva.
“Kuthiwa wamgongoda ngesando kanengi ekhanda lasebusweni, wamlimaza kakhulu.
“UMatasva wopha kakhulu njalo kukholakala ukuba wafela khona lapho.
“Ngemva kokunanzelela ukuthi wayesembulele, uMakamba wabaleka, watshiya isidumbu endlini kanye Ala-bantwana babo ababili abasakhula,” kutsho umfakazi lo.
Isiga lesi esethusayo sivele ngemva kokuba omunye umakhelwane ebikelwe ngesehlakalo lesi ngabantwana balaba ababili.
“Ngabo 6:10 ntambama, ngathi ngifika endlini ngahlangabezwa ngabantwana ababili bakamuyi bekhala okubi.
“Bangitshela ukuba unina usefile.
“Savula umnyango sathola elele phansi engasanyikinyeki. Igazi laligcwele indlu yonke,” kutsho umakhelwane lo.
Amapholisa ayaqhubeka ukuphenya ngodaba lolu njalo kulandelwa umsolwa ukuze abotshwe.
Isiga lesi sitshiye izakhamizi zeNatview Park zithithibele, ikakhulu ngoba ukuhlasela okulesihluku lokhu kwen-zakale kulabantwana abancane.
Lesi ngesinye seziga ezinjengalezi esezisanda ezinyangeni ezisanda kwedlula, njalo sengeza enani lezehlakalo zokubulawa kwabesifazane ezenzakala elizweni lonke.
Kunyanga ezisanda kwedlula, kulenina njalo elalimunyisa elabulawa ngumkalo ngoba litshiye umntwana labanye bakhe lisiya ebhawa.
