admin
KULENDODA ehlaselwe ngamadoda amathathu ayibulala ngokuyitshisa kubangwa isikwelede se200 randi.
Lesisiga senzakale ngoMgqibelo ntambama ngesikhathi umuyi esiyabuza isikwelede sakhe kumsolwa kanti ubizwa ngelokufa.
Kuthe ngesikhathi uGexe Tshisa (34) ethonisa imali yakhe amadoda la amthelela amtshaya ngenduku langemiqwayi bamkhanda ikhanda andubana bamhudule ematsheni.
Akwaziwa ukuthi abasolwa laba ngesikhathi umuyi bemthela iphethulo bemtshisa wayesefile kumbe hatshi kodwa okwazakalayo yikuthi ufe kabuhlungu.
Izakhamizi zeGugulethu Everest Squatter Camp eSprings zabona umuyi esesitsha njalo zahle zabiza amapholisa.
Izakhamizi zahamba zayadinga abasolwa zabathola endlini yabo njalo bavuma icala lokubulala umuyi kodwa baphunyuka babaleka.
Ngenxa yokuthukuthela izakhamizi zakule indawo zahlasela unina kamsolwa uSilvia Ncai zithi kungani esekela umntanakhe yena elecala. Kubikwa kwaze kwasiza inkokheli zakule indawo ezathi uNkszn Ncai kalacala ngakho kayekelwe.
Ngemva kwalokho uNkszn Ncai waveza umqwayi owawulegazi okuyiwo umsolwa atshaya ngawo umuyi ethi yibo ubufakazi bokuthi umntanakhe uyisigangi.
“Ngithethe induku le ebisetshenziswa ngumntanami ukutshaya umufi ngayifihla ngisenzela ukuveza ubufakazi bokuthi nguye ombuleleyo ngoba ngeke ngifihle isigebengu endlini yami.
“Ngakho-ke izakhamizi kufanele zingangisoli ngoba kangimvikeli umntanami ecaleni lakhe alenzileyo,” kutsho uNkszn Ncai.
Enye inkokheli yakule indawo uMnumzana Nzuzo Samka ichaze ukuthi kuhle okwenziwe nguNkszn Ncai ngoba kuyaphungula izigebengu esigabeni.
“UNkszn Ncai wenze into enhle ngakho sifuna ukuhlala labantu abenza njengaye ngoba singeke sihlale lezigangi isigabeni ngoba zingacina zibulala abantwabethu,” kutsho uMnu Samka.
Intatheli zephephandaba leDaily Sun zahamba lezakhamizi eSpring Police Station ukuyabhalisa i-golf club njengobufakazi. Lelicala lokubulala lavulwa ngapholisa akule inkamba ngakho lokhu esadinga izigebenga lezi ezintathu okucatshangelwa ukuba yizo ezabulala umuyi. — Ubulembu.
Online Reporter