Nkosilathi Sibanda
KULENDODA yeBeitbridge uSmile Moyo, oleminyaka engu-28 yokuzalwa, ogwetshelwe ukuhlala ejele okwenyanga ezilitshumi ngemva kokutholakala elecala lokubulala idube eSentinel Ranch, eBorder Ridge Farm.
INational Prosecuting Authority of Zimbabwe (NPAZ) ithe idube libiza imali engange-US$3 000.
Kubikwa mhlaka 14 Mfumfu 2026, uMoyo lomunye wakhe uNtshengedzeni Tshabalala, owabalekayo, bangena epulazini leSentinel Ranch okungekho emthethweni, bathinya inyamazana okungekho emthethweni.
Kwatholakala ingqamu yokuzingela kuMoyo, owakhokhela ama-ranger endaweni okwakule sidumbu sedube.
IZimbabwe Parks and Wildlife Management Authority eBeitbridge iqinisekisa ukuthi isidumbu lesi ngesedube.
Umthethwandaba ugwebe uMoyo ukuhlala ejele inyanga eziyisithupha, yaphinda yangezelela ezinye inyanga ezine zesigwebo esake sesulwa kukhangelelwe ukuthi angadali icala elifanayo okwenze ukuthi ahlale ejele okwenyanga ezilitshumi.
I-NPAZ ithe kayibekezeleli ubugebengu obuqondane lokubulawa kwenyamazana zendle, njalo izaqhubeka isebenzisana labalawuli bomthetho ukuze abenza ubugebengu obunjalo babotshwe
