INENGI INGQOLOYI EHANJISWA E-GMB

“Additionally, preparations are being made to ensure adequate combine harvesters are available to clear the irrigated maize crop quickly so that we have ample time to plant wheat.”

INKAMPANI yeGrain Marketing Board (GMB) isiveze ukuthi kulokukhwela kuzinga lengqoloyi yomhlobo weGrade A elethiwe eziphaleni zayo kusukela kuqala isigaba sokuthengisa.

Ekhuluma lentatheli ngoLwesihlanu, omele isikhulu esiphezulu seGMB uMnumzana Clemence Guta uthe kusiyafika umhlaka 10 Mpalakazi 2020 besekulengqoloyi engaba ngamathani angu-155 834, 928 evela kubalimi.

Phakathi kwamathani la, angu-107 752, 725 ngawohlobo lweGrade A kuthi amanye angu-47 888, 05 yingqoloyi evamileyo, kuchaza uMnu Gata.

Ukutholakala kwesivuno esiphansi sengqoloyi kuminyaka edluleyo besekubangele ukuthi ilizwe lithembele ekuthengeni kwamanye amazwe isilimo lesi njalo lokhu besekumunya ngamandla imali yakwamanye amazwe kaHulumende.

Ilizwe likhangelelwe ukuthi libe lesivuno samathani angu-250 000 sengqoloyi, esenela inyanga eziyisificamunwe munye okuzakwenza ilizwe lilondoloze imali engaba yiUS$100 miliyoni yokuthenga kwamanye amazwe.

Ilizwe leZimbabwe lidinga amathani angu-400 000 engqoloyi ngomnyaka ukuze enele indingeko zonke. Nyakenye abalimi bathola isivuno samathani angu-90 000.