Online Reporter
Yintatheli kaMthunywa
KULENINA ebeliphakathi kwesakhiwo esitshileyo enzikini yedolobho lakoBulawayo eliphephileyo kulingozi ngokweqa lisuka esitezi sokuqala sesakhiwo lesi, sizama ukubalekela umlilo obuvutha ngamandla.
Owesifazane lo kubikwa usizwe ngamalunga omphakathi akade ebuthene phandle kwesakhiwo, ngesikhathi eseqa, ukuze angatshayeki phansi ngesikhathi esiwa.
Umlilo uqale esakhiweni esikuLeopard Takawira Avenue, phakathi kukaGeorge Silundika Street loFife Street, ngehola lika-1.15 emini, kugcwale intuthu emnyama kungxenye ezitshiyeneyo zenzikini yedolobho.
Omunye wabantu abancede owesifazane lo uthe ubengaselakho okunye angakwenza ngaphandle kokweqa esuka esitezini sakuqala, njengoba umlilo ubusabalala phakathi kwesakhiwo.
“Umlilo ubusugcwala yonke indawo, yikho lapho owesifazane lo abone kungcono ukuthi eqe ukuze asinde,” kutsho umfakazi lo.
Kuze kube yisikhathi sokubhalwa kwalindaba, bekungakaziwa ubukhulu bomonakalo odalwe ngumlilo, kumbe ukuthi owesifazane lo usesimeni esinjani.
Lembangela yomlilo ibingakaziwa.
