Vusumuzi Dube
Ethel Ncube
KULENINA leMadzura esigabeni seGokwe ngaphansi kwenduna uSai eliklinye usane oluleminyaka emithathu lwaze lwedlula emhlabeni ngoLwesihlanu kuviki ephelileyo.
Umetheswacala uSharai Foromani ucatshangelwa ukuba ulesandla ekufeni kukaAlvin Makore (3) abehlala laye.
Kubikwa usane lolu luzalwa ngumka-Foromani.
Kubikwa ukuba u-Alvin wathi esephathekile efuna ukuyazikhulula wasuka waya ngemva komuzi. Unina wamlandela emuva wafika wathatha umntwana wahamba laye egangeni lapho afika wamkhama waze wafa watshiya isidumbu egangeni.
Umalume womntwana uthe engasaboni umntwana wabuza uForomani ukuba umntwana angabe eqonde ngaphi ngoba eselesikhathi engamboni kodwa kazange athole impendulo emsuthisayo.
Baqala ukusabalala bedinga umntwana lwabatshaya lwabeqa sebethola isidumbu egangeni njalo lapho abasithola khona kwakulenyawo zikaSharai Foromani okwadala ukuba abotshwe.
UForomani okwakhathesi usezandleni zamapholisa lapho ancedisa khona amapholisa ngokuchwayisiswa ngaloludaba.
Intatheli ixhumane lesikhulumi samapholisa eMidlands uInspector Emmanuel Mahoko obike ukuba udaba olunjalo lusezandleni zamapholisa.
“Amapholisa eGokwe achwayisisa ngodaba lomntwana owafa ngokukhanywa okusolelwa ukuba unina angabe elesandla esigeni lesi. Sithanda ukukhumbuza uzulu ukuba ukubulala ayisiyo indlela yokuqeda uhlupho kumbe ukulungisisa ingxaki,” kuphetha uInsp Mahoko.
Online Reporter