admin
Bakhona abantu asebangenwa ngumkhuba omubi mhlawumbe kangithi yikuzekelela kumbe ngaba lenhliziyo elengayo njenge kilogo kaJamuluti ngesikhathi sebusika intolo igcwele emadolweni enkomo.
Bathi nxa befika kungaba semfeni kumbe emthimbeni, bangena nje ilihlo labo lihle lilavukele ezimbizeni kungakhathalekile ukuthi bayizihlobo loba umngane wakulowo mcimbi, phela kungabe kusemfeni, emithimbeni kuba khona isikhathi sokudla esiyabe simisiwe ukwenzela ukuthi izinto eziyabe zihleliwe ukuthi zenzakale ngendlela zingaphazamiseki.
Wena nxa usuzafika ngesikhathi sokukhunga ufune ukudla uyabe usuphambanisa inhlelo zabantu, abanye ngozwa besithi thina sinatha amaphilisi sesilambile, isimanga yikuthi umuntu ozaziyo ukuthi unatha amaphilisi kumele ahambe ethwele umphako wakhe ukwenzela ukuthi angezwa sokuholoba esiswini aphange azincede kulothi uphazamise inhlelo zabantu lokho ungakwenza nxa usemzini wakho.
Khumbula kuyisikhathi sokuthi kubonwe umufi ebhokisini wena ngapha ukhala ngokuphakulelwa, asihlonipheni le abayibiza ngolimi lwabondlebe zikhanyilanga i-programme uzafica kusiba lula , suka ubambe ithumbu kancane ukuze ungabi yisikhubekiso.
Uthola umuntu emise umdlambulo ethi thina asikadli noma eyedwa.
Ayixabene.
0714355641
Online Reporter