admin
Intatheli kaMthunywa
KUDABA oludabukisa inhliziyo kulabafana beNew line eHope Fountain abathe bedlala batshaya inyosi babaleka inyosi zabalandela zayangena kwenye indlu zaluma usane obeluphakathi okubangele ukuthi lutshiye umhlaba.
Ekhuluma lentatheli kaMthunywa uNkosazana Maudi Sibanda uthe behlelwe liyezi elimnyama nanko phela balahlekelwe lusana olulomnyaka owodwa wokuzalwa lenyanga ezintathu lapho esithi.
“Sehlelwe ngamashwa esigabeni sethu. Usana olulomnyaka owodwa lenyanga ezimbili lulunywe zinyosi lwafa ngemva kokuba abafana bezitshaye esihlahleni lapho ebezikhona qede babaleka belubhekise ngekhaya.
Ukutshaya inyosi kubangele ukuthi inyosi lezi ziyengena komunye umuzi lapho ezifike zangena endlini zaluma usane.
Imizamo yokuxhumana lesikhulumi samapholisa esabelweni seMatabeleland South ulnspector Philisani Ndebele ngodaba lolu yehlule.
Online Reporter