admin
KULEPHOLISA lelizweni leNdiya okubikwa lilalisiwe esibhedlela kulandela ukuginya ingqamu ezingu-40 lisithi zimnandi.
UJarnail Singh oleminyaka yokuzalwa engu-42 ulaliswe esibhedlela seGurdaspur ekhala ngokuthi uzwa ubuhlungu esiswini lokululazeka.
Ngemva kokuthi sebemhlolile kuvele ukuthi waginya ingqamu ezingu-40 kunyanga ezimbili ezedluleyo esithi zimnandi.
Omunye wabodokotela uJitinder Malhotra uthe lesi yisimanga angakaze asibone lokhe waqala ukusebenza kuminyaka engu-20.
Uthe ngemva kokuhlolisisa lokhu bakubone kuyinto eyisimanaga. njalo kukhanya angathi yimvukuzane esiswini.
“Isigulane lesi sithe sizizwa sifuna ukuginya ingqamu. Okwethusayo yikuthi waqalisa ukuziginya kusukela enyangeni ezimbili ezedluleyo.
“Kunzima ukuthi ukuzwisise lokhu. Angikaze ngibone into efana lale lokhe ngaqala ukusebenza,” kutsho uJitinder.
USingh uthe ubeginya ingqamu eyodwa ngosuku.
Amadokotela aqede amahola amahlanu enhlinza ipholisa leli bekhipha ingqamu lezo njalo uzaphuma esibhedlela emalangeni alandelayo. — Ubulembu
Online Reporter