adminYiNtatheli kaMthunywa
INHLANGANISO yomdlalo wokubhaqa kuleli eyeZimbabwe Rugby Union ibika ukuba idinga umqeqetshi omutsha ozakhuza iqembu lesizwe eleSables.
Lokhu kuza ngemva kokutshiya umsebenzi kukaCyprian Mandenge owayengumqeqetshi loSebastian Garikai umaneja.
Kumbiko othunyelwe iphephandaba likazulu ngoLwesibili emini, iZRU ithe idinga umqeqetshi ololwazi olujulileyo ngezokubhaqa ngokudlala lumdlalo kanye lokuqeqetsha okwesikhathi eside, aphinda abelesithupha sikaLevel 2.
IZRU ithe umqeqetshi odingwayo mhla ezaqhatshwa uzasayina isivumelwano sokusebenza leqembu lesizwe okweminyaka emine.
“Umuntu ozangena kulumsebenzi uzaphiwa i-contract ezaphela kumasizini amane alandelayo njalo umsebenzi lo uzahlolisiswa minyaka yonke. Nxa umqeqetshi eyehlulekile ukuthi alungisise iqembu linqobe, iZRU ilelungelo lokuthi itshintshe isivumelwano lesi,” kutsho umbiko weZRU.
UMandenge loGarikai bacabange ukutshiya umsebenzi kulandela ukwehluleka kwamaSables kumqhudelwano wenkezo yeAfrica Cup Division A phakathi kwalumnyaka.
Online Reporter