admin
Isabizwana sokukhomba sisebenza njengazo zonke izabizwana. Izibonelo: Singamela ibizo emtshweni. Singaba yinhloko yomutsho kumbe umenziwa. Kodwa sona isabizwana sokukhomba sibuya sibe lomsebenzi wokukhomba ezindaweni ezintathu ezehlukeneyo, eduze, buqamama lakude.
Isabizwana sokukhomba singasihlela ngendlela elandelayo, eyezigaba zaso: Kusigaba 1 isabizwana sokukhomba eduze ngu- lo, buqamama ngu – lowo, kude ngu – lowaya. Kusigaba 2 isabizwana sokukhomba eduze ngu –laba, buqamama – labo, kude – labaya. Kusiga 3 isabizwana sokukhomba eduze ngu- lo, buqamama – lowo, kude – lowaya. Kusigaba 6 isabizwana sokukhomba eduze ngu-la, buqamama – lawo, kude – lawaya. Kusigaba 7 isabizwana solukhomba eduze ngu – lesi, buqamama – leso, kude – lesiya.
Njengoba lifunda bafundi selingalandela izibonelo lezi litshengise isabizwana sokukhomba kuzo zonke izigaba kusiya fika kusigaba 15.
Ukwakhiwa kwaso isabizwana sokukhomba: Izabizwana zokukhomba buqamama lakude zisuselwe esabizwaneni sokukhomba eduze. Kudingeka sazi ukwakhiwa kwesabizwana sokukhomba eduze kuqala: Singasebenzisa indlela eyodwa kulezi ezilandelayo: Ukuhlanganisa isakhi sokukhomba u “la” lesiqalo sebizo, besekulumbana onkamisa.
Kulezo zigaba zamabizo ezilomankankane siyabasusa kanye lonkamisa ababalandelayo.
Izibonelo: la + um(u)- > lo(mu) > lo, ka + iN- > le(N) > le, la + iziN> lezi, la + ili- > leli.
Sizaqala lapha kuviki ezayo.
Online Reporter