admin
USEFISA ngitsho ukuyogcinwa esiteshini samapholisa ugogo ongaboni emehlweni waseLindelani, eThekwini, ohlala evalelwe yedwa endlini ubusuku lemini. Kuthiwa useke wazama ukuzikhunga ngenxa yenhlalo engenhle ekhaya.
Lugogo, owaziwa ngokuthi nguNkosikazi Ntuli, weChibini, eLindelani, utholwe ngomakhelwane ehayiza ngaphakathi, ekhala ngomzukulu wakhe ongamphathi kuhle.
Ilunga lomphakathi, elicele ukungadalulwa, lithe uNkkz Ntuli uvulelwe ngabantu ebebemuzwa ekhala. Amalunga omphakathi abe esebiza abaholi bendawo kwafika loNkkz Zandile Shezi, ollunga lekhomiti lomphakathi, lofike wahlala laye ugogo wambuza ngesimo sakhe.
UNkkz Shezi utshele intatheli ukuthi ugogo ukhala kakhulu ngamaphoisa, ucela abizwe ukuze ezongenela lasodabeni lwemali yempentsheni ayizwa ngendaba.
“Asimficanga umzukulu kodwa ngizamile ukuhlala logogo ngenzela ukuthi asilandisele kuhle. Uyayihola impentsheni kodwa uthe imali yonke ithathwa ngumzukulu wakhe bese eyamvalela ahlale yedwa, kube nzima lokuthola ukudla,” kutsho uNkkz Shezi.
Eqhubeka uthe isimo sikagogo asisihle, bayafisa ukuthi osonhlalakahle baphangise bangenelele ngoba akulula njengoba ehlala edinga ukunakekelwa.
Echaza ngesimo abamfice kuso, uthe ubemapunapuna eduze kwamanzi okugeza abetshiywe ngumzukulu ngethemba lokuthi uzageza wehluleka.
“Umzukulu wakhe uthe ngumfana okuyinkinga ngoba kufanele kube khona umuntu ozomgezisa ugogo. Okungizwisa ubuhlungu lokungitshayisa ngovalo yikuthi ugogo usitshele ukuthi uke wazama ukuzibulala kabili kodwa wehluleka,” kutsho uNkkz Shezi ekhathazekile.
UNobhala wekhomiti laku-ward 38, uMnumzana Muzi Ntuli, kuthiwa ufikile wasibona isimo sikagogo wazama lokubiza osonhlalakahle kodwa bebengakafiki ukuzobheka isimo.
“Ukhale kakhulu sesihamba, ebalisa ngokuthi siyamlahla noma sesisibonile isimo sakhe. Siyafisa kutshaywe ukhwelo kubosonhlalakahle ngokuphangisa,” kutsho uNkkz Shezi.
Ihofisi likaNgqongqoshe wezokuThuthukiswa koMphakathi, uNkkz Nonhlanhla Khoza, lithembisile ukuthi lolu daba luzosukunyelwa ngokuphangisa.
Okhulumela umnyango, uMnumzana Mhlaba Memela, uthe bakutshayela ihlombe ukusukumela phezulu kwamalunga omphakathi.
“Sizothumela osonhlalakahle ngokukhulu ukuphuthuma kulungiswe lodaba lwempentsheni kagogo akwazi ukuyathola imali yakhe. Siyabakhuthaza abantu ukuthi baxhumane lamahhovisi abosonhlalakahle uma behlala lamalunga omndeni ahlulekayo ukuwanakekela.
Kulezinhlelo zamahhala zikahulumende zokulekelela. Sizolulandela lodaba lomzukulu sibambisene lamapholisa, uma kukhona lapho kuphulwe khona umthetho,” kutsho uMemela.
Leli phephandaba lithole nama-video aqotshiwe ugogo eveza lokuthi umzukulu wamfakela i-sanitizer ethi umuthi wamehlo okwenza wangabe esabona nhlobo. Ukhala langokuthi uhamba isibhedlela kodwa sekulesikhathi eside engahanjiswa.-Ubulembu
Online Reporter