admin
Isangoma sathatha iR400 000 ayithola ngemva kokuthengisa isitanda wayigoqela ngelembu ukuze amadlozi abusise imali le.
Kodwa wathi esekhangela imali yakhe ekuseni mhlaka 6 Mpandula, wethuka ebona isiphenduke yaba litshukela eliyi-2,5kg.
UGeorge Machaba okhathazekileyo ovela eWinnie Mandela zone 12 eTembisa, unanzelele ukuthi waqilwa.
Uthe watshayela izangoma ucingo kodwa zazingasabambeki, njalo lalowo owathenga indlu yakhe wayesemxotsha.
“Kangikwazi ukuthi kwahamba njani. Kungathi kulemimoya elamandla ebingikhokhela,” kutsho yena.
UGeorge uthe uhlupho lwakhe luqale aze aye esitolo esithengisa imithi eTembisa edinga umuthi wokuxotsha imimoya emibi egumeni lakhe.
Uthe isangoma asitholayo samphurofitha sasesimusa kwenye indlu emnyama engemva esitolo.
Uthe kulelizwi elamtshela ekuleyondlu ukuthi amadlozi akibo azamnika izigidi zamadola.
“Ngokuhamba kosuku ngathola umlayezo wokuthi kulemali engene ku-akhawunti yami.
“Umlayezo wokuqala wawusithi kungene iR10 miliyoni kwalandela oweR6 miliyoni, lowe R8 miliyoni kuthi owokucina wawusithi kungene iR20 miliyoni.
“Kwakulemibandela yokuthi ngithole imali, uGeorge kwakumele afake iR400 000 ayengalayo. Wasetshelwa ukuthi athengise indlu njalo owayezayithenga watholwa yi-agent.
“Konke sekwenziwe, iR400 000 yafakwa ebhukwini lebhanga. Ngatshelwa ukuthi ngiyikhiphe ebhanga yasigoqelwa ke ngelembu. yafakwa ngaphansi kombheda ukuze ibusiswe,” kutsho yena.
Isikhulumi samapholisa uCaptain Manyadza Ralidzivha uthe akuvulwanga cala ngenxa yokuthi umamangala wakwenza lokhu ngokuzithandela wanika izangoma imali.
Online Reporter