admin
Ubumnini bamabizo esigaba 1(a)
Funda imitsho elandelayo: Inkomo zikamfowethu zintshontshiwe. Indlu kamalume idilikile.
Isidleke sikanogwatsha sibhidlikile.
Ukwakhiwa kobumnini besigaba 1(a) Kusigaba 1 isivumelwano senhloko u- sihlangana lesakhi sobumnini ka Sithole isivumelwano sobumnini ka- Lokhu kwenzakala kanje – u + la > ka-.
Isivumelwano senhloko kusigaba 1(a) u sihlangana lesakhi sobumnini ka Sithole isivumelwano sobumnini ka- kanje: u + ka-> ka-.
Kusigaba 2 isivumelwano senhloko ngu ba- sona sihlangana lesakhi sobumnini ka- Sithole isivumelwano sobumnini baka-.
Lokhu kufanana xathu lalokho okwenzakala kusigaba 2(a)Kusigaba 4 isivumelwano senhloko (i-) sohlangana lesakhi sobumnini ka- Sithole isivumelwano sobumnini ka- kanje: i + ka > ka.
Kusigaba 5 isivumelwano senhloko li sihlangana lesakhi sobumnini ka Sithole isivumelwano sobumnini lika-.
Lokhu kwenzakala kanje: li- + ka- > lika.
Kusigaba 6 isivumelwano senhloko a sihlangana lesakhi sobumnini – ka- Sithole isivumelwano sobumnini ka-.
Mfundi qedisa lokhu kuzo zonke izigaba ukuze uzwisise.
Inani lucezu lwenkulumo oluchaza uSobizo njengezinye izichasiso.
Lolu cezu lwenkulumo lule ziqu ezine eziyilezi: -ni, -nye, -phi, -mbe.
Esokucina lesi sivame ukusetshenziswa kulimi lwesiZulu hatshi esiNdebeleni.
Lazo lezi ziqu zidinga kubekhona ukuvumelana phakathi kwebizo ezilichazayo lesiqu senani.
Sizaqala lapha kuviki ezayo.
Online Reporter