. . . Uhlohlela isigodo esithweni sendodakazi yakhe

YiNtatheli kaMthunywa
KULOMONGI wesibhedlela seNkayi ozibone esephakathi kwelitshe lembokodo ngemva kokuhlohlela isigodo esithweni sangasese sendodakazi yakhe ngoba ebaleke ngekhaya wayalala ngakibo kwejaha lakhe.
Umsolwa uMkhululi Ncube okungasatholakalanga iminyaka yakhe yokuzalwa kubikwa wenze ihlazo leli emavikini amabili asanda kwedlula ngesikhathi esemzini wakhe.

Inkundla yeNkayi izwe ukuba phakathi laphakathi kwenyanga kaZibandlela umntaka msolwa oleminyaka yokuzalwa engu-15 wanyamalala ngekhaya akaze abonakala ukuba uqonde kuphi.

Umsolwa wadinga umntanakhe indawo yonke waze wancwetshwa indlebe ngesinye isakhamuzi ukuba umamangala wayebonakale esendlini yelinye ijaha.

Kuzwakale ukuba umsolwa walanda umamangala lapho okwakuthiwa ubonakale khona wathi efika khona wahudula umntanakhe emkhipha endlini. Kubikwa watshaya umntwana lo ngentambo yegetsi ethi kungani ezwana lowesilisa yena esesemncane.

Ngemva kwalokhu kubikwa umsolwa wabamba umsolwa ngamandla andubana ahlohlele isigodo phakathi kwesitho sakhe sangasese okwabangela ukuthi alimale kakhulu.

Izakhamizi kubikwa zathi zisizwa ukukhala kukamamangala zaphuthuma zayafika lapho zafika zamthwalela esibhedlela.

Abesibhedlela bafika bacela incwadi evela emapholiseni ebika ngokulinyazwa kukamamangala nguyise okwacina kubangela ukuthi umsolwa abotshwe.

Ebuzwa ngumantshi uMnumzana Ndumo Masuku ukuthi uyalivuma kumbe hatshi icala lakhe umsolwa ulivumile icala lakhe lokutshaya umamangala.

Ngemva kokuzwa ubufakazi lobu umantshi uhlawulise umamangala imali engange-$200 kuthi nxa engayikhiphanga imali le ayepika entolongweni okwenyanga eziyisithupha.