admin
Johas Moyo
LOKHE kuvukiswana ngayo indaba yokubulawa kwenye indoda eMpapa, eTriangle etholakale ihlahlelwe ngebhemba entanyeni, iphephandaba likazulu likubika ngokugcweleyo lamuhlanje.
Isihluku lesi senzakale kuviki ephelileyo, lapho uWillem Adolph Botha oleminyaka yokuzalwa engu-69 njalo obehlala kuPlot 12 khonangale eMpapa etholakale efile njalo ephakathi kwechibi legazi okuchaza ukuthi ubulewe yizikliwi .
Umuyi utholakale eganyulwe intamo njalo kunakanelwa ukuthi ubulwe nguChristopher Musiiwa obesebenza laye epulazini leli. Lokhu kuza kulandela ukunyamalala kukamsolwa olokhe edingwa ngamapholisa.
Iphephandaba likazulu libikelwe ukuthi esinye isisebenzi ebesisebenza epulothini leli uChemedzai Mudziviro wehluleka ukungena endlini kamufi ngalelolanga. Isimanga yikuthi wayejwayele ukudlula endlini kamufi nxa esiya emsebenzini.
Kuzwakale ukuthi uMudziviro walinda Joram Muvazhi ngoba kunguye isiphathamandla esasilezihluthunelo ukuze bangene.
Bathi bengena kule indlu bamthola esengoqandayo njalo kugcwele idamu legazi lengubo zigcwele igazi okucatshangelwa ukuthi umsolwa wayezama ukulivimba igazi lelo ukuthi lingaphumi kakhulu kodwa wehluleka waze wadliwa nguswenya.
Kubikwa ukuthi uMnu Muvazhi nguye owabikela amapholisa ngesehlakalo lesi ngemva kwesikhatshanyana batheleka abomthetho. Kubikwa njalo ukuthi kukhanya angani umsolwa wazama ukwesula igazi elalisemdulini njalo kucatshangelwa ukuthi waganyulwa ngamandla igazi lachaphakela ndawana yonke. Phansi kwabonakala inyawo zomuntu obehamba lapho kudinda igazi kukanti umsolwa ngelanga eledlulileyo laye wayetshiywe ehamba ngenyawo egezisa imota. Ibhemba elasetshenziswa ukubulala umufi lalo lalike labonakala emoteni leyo ayeyigezisa.
UMthunywa uzwe njalo ukuthi umsolwa wayebonile umuyi ephiwa imali engange US$6 500 okwakuyimali yokuholisa ezinye izisebenzi njalo endlini kwatholakala kufuziwe amanye amamvulophu engasela mali ngaphandle kweyodwa eyayile US$1 500 ibhalwe ibizo lowesifazana othile.
UMthunywa uxhumane lesikhulumi samapholisa u Inspector Charity Mazura obike ukuthi umbiko womuntu owabulawayo wafika kibo njalo amapholisa asadingisisa ngaloludaba.
Online Reporter