admin
YiNtatheli kaMthunywa
Imibiko ephuma ngemva kokunqoba kweMamelodi Sundowns kunkezo yeCaf, iveza ukuthi iqembu leli lizimisele ukusayinisa abadlali ababili beZamalek ukuqinisa iqembu njengoba selilungiselela imidlalo yeFifa Club World Cup ezaqhutshwa ngoMpalakazi.
Abadlali laba uMohamed Ibrahim loMostafa Fathi bakhange amehlo kamqeqetshi uPitso Mosimane.
“Umdlalo ubunzima kakhulu futhi bekucacile ukuthi iZamalek izagadla ngakho konke elakho, ikakhulukazi uStanley (Ohawuchi) obeyingozi kakhulu, ophose wahlohla ibhola ngokuphangisa. Kudingeke ukuthi singatatazeli ngemizuzu engu-15 yokuqala, ngaphambili kokuba sifune ukudlala ibhola ngendlela esiyijwayeleyo,” kutsho uMosimane.
Umqeqetshi lo uthe kasoke achithe isikhathi ngokugijimisa ukuthola uFathi loIbrahim ngoba yibo abadlali abalakho ukuvuselela ithimu yakhe.
“UMostafa Fathi ubeyingozi kakhulu. Ngilethemba lokuthi uzakuba yingxenye yeqembu lami ngaphambi kweFifa Club World Cup. Sizimisele lokudonsa uMohamed Ibrahim futhi. Silethemba lokuthi laye uzosijoyina sesidlala kuFifa Club World Cup.
“Kungijabulise kakhulu ukuthola ukuthi (uMahmoud) Shikabala ngeke awuqale umdlalo, ngoba ungumdlali osezingeni eliphezulu,” kutsho uMosimane.
Kusenjalo, umongameli weMamelodi Sundowns, uPatrice Motsepe, useveze ukuthi isamba semali engu-R20 miliyoni etholwe yileliqembu ngokunqoba isicoco seCaf Champions League, izohlukaniselwa abadlali.
AmaBrazilians anqobe lesi sicoco esikhulukazi samaqembu eAfrica ngokutshaya inkuzi zase-Egypt, iZamalek, nge-3-1.
Manje iSundowns ingene kumbali leOrlando Pirates ngokunqoba inkezo le. Amaqembu la womabili yiwo wodwa aseNingizimu Afrika asenqobe lesi sicoco njengoba iPirates yenza okufanayo ngomnyaka ka-1995.
Ngaphezu kwalokho usomabhizimusi oleminyaka engu-54 uMotsepe, uthe kuzokuba ngumlandu wabadlali beqembu ukuthi bazakwehlukaniselana njani imali le.
“Yonke i-$1,5 miliyoni ngeyabo bonke abadlali. Sekumele manje bahlale phansi bese beqala ukucabanga ngokuthi bazathini ngayo limali,” uMotsepe utshele intatheli ngoLwesithathu.
Online Reporter