admin
YiNtatheli kaMthunywa
IKHANSILI yakoBulawayo sitshengise ukutshiseka okukhulu ngokuphungula izingozi emigwaqweni ekulelidolobho nanku phela siqalile ukulungisa imigwaqo.
IKhansili le iveze ukuthi ingozi ezivame ukwenzakala emigwaqweni zidalwa yikufa kwemigwaqo yikho nje siqale umkhankaso wokuyilungisa.
Ekhuluma loMthunywa uDirector of Engeneering Services eKhansilini yakoBulawayo uMnumzana Simela Dube uchaze ukuthi inengi lemigwaqo ekoBulawayo isigebhekile.
“Inengi lemigwaqo yakoBulawayo isigebhekile ngakho kubalulekile ukuthi ilungiswe isasenje ukuze ingaze yafa yaphela. Ukufa kwemigwaqo lokhu kuyinto embi ngoba kudala izingozi emigwaqweni,” kutsho uMnu Dube.
Ekhuluma emkhosini wokwenjulwa kwamalangabi emigwaqo asebenzisa amandla elanga ngoMvulo kuyonale iviki eCity Hall uSodolobho wakoBulawayo uKhansila Martin Moyo uchaze ukuthi lonyaka ikhansili isebenze kakhulu ngokwakha imigwaqo ngakho ingozi zemigwaqo zizaphunguka.
“Ngilokujabula okukhulu ngomsebenzi oyenziwe yikhansili yakoBulawayo ngoba khathesi ingozi zizaphunguka emigwaqweni. Okungijabulisa kakhulu yikuthi ikhansili isifake ama-robots emahlanganweni kaCecil Avenue loCoghlan Road okuyindawo obekuphelela khona abantu ngengozi zezimota.
“Ngikhuluma nje lami ngilezihlobo ezafela khona ngengozi yemota ngakho nxa sokulama-robots sokungcono ngoba abatshayeli bezimota sebezadedelana kule indawo. Okunye okungijabulisayo yikuthi uHulumende usesungule uhlelo lokuhlawulisa imali kulabo abadlula i-robot libomvu.
“Okunye okuhle ngomsebenzi oyenzwe yikhansili yikuthi ama-robots la ewafakileyo ayenelisa ukuhlala iminyaka emihlanu engafanga njengasebenzisa amagetsi ahlala amaviki amabili kuphela ebe selungiswa okokuthi nxa engasalungiswanga kungadaleka ingozi lapha,” kuphetha uSodolobho ukhansila Moyo.
Online Reporter