admin
Nkosilathi Sibanda
UMANEJA kaMarvelous Nakamba uqina ngokuthi umdlali lo kahlale achume kuqembu leAston Villa ngesizini ezayo.
UGibson Mahachi, obambe intambo zomdlalo kaNakamba ubike lokho kulandela ukukhutshwa kwembiko yokuthi umdlali lo ufuna ukwebolekwa liqembu leTrabzonspor eleTurkey.
UNakamba ungene kuqembu leAston Villa ngomnyaka odluleyo lapho afike wathola isikhathi sokuzitshengisela enkundleni loba nje ubephethwe emlonyeni kuthiwa uzasuka.
UMahachi uthe kunengi okumele kwenziwe nguNakamba kuligi yaseNgilandi.
“Asonyathelo elihle elokuthi uMarvelous ahambe. Wenze kahle kusizini yakhe yakuqala le-Aston Villa, ngokunjalo kuzamele aqhubeke. Ngimbona elekusasa enhle ku-English Premier League,” kutsho uMahachi.
Ukuya kwakhe eTurkey kwavela ekuthini kwakucatshangelwa ukuba iAston Villa izatshaywa lizembe kuligi enkulu ibisiboleka abanye abadlali bayo ababalisa uNakamba.
Ithe isiphumelele i-Aston Villa, ukusuka kukaNakamba efunwa yiTrabzonspor kwabonakala sekudula.
Kodwa lomqeqetshi we-Villa uDean Smith kazange akuvume. Kuzwakale njalo ukuthi uNakamba uyasuthiseka ngokudlalela iVilla.
Online Reporter