admin
YiNtatheli kaMthunywa
ZAMA ukuthi izifuyo zakho zidle endaweni encane ngosuku besezisiya kwenye njalo ngelilandelayo ukuze unike amadlelo isikhathi sokuthi utshani bukhule kuhle.
Isibonelo ngendlela lokhu okusebenza ngayo yikuthi, cabanga ukuthi kuthatha insuku ezingu-90 ukuthi inkomo zakho zidle emadlelweni akho. Uma amadlelo akho angaqunywa abe yizigaba ezingu-9, lokhu kutsho ukuthi utshani bakho kanye lomhlabathi kuthola insuku ezingu-80 IQEMBU leHighlanders lilinde ngamehlo abomvu ukuthola imali ezavela kuPrince Dube uma umdlali lo engaphumelela ukuthi athengwe liqembu laphetsheya kumaligi alemali ezwayo.
UDube ubengumdlali weHighlanders anduba ayekuqembu le-Azam eleTanzania kumasizini amabili adluleyo.
Isivumelwano sokusuka kwalumdlalo esiya ku-Azam kwenza iHighlanders yathola iUS$50 000 kumnyaka odluleyo.
Imbiko evela kwele-Tanzania iveza ukuba uPrince, osesayine esinye isivumelwano sokudlalela i-Azam okweminyaka emibili ezayo, uzavunyelwa ukuthi ahambe kuqembu alifunayo phakathi kwalesi isikhathi sesivumelwano.
Lokhu kutsho ukuba loba yiliphi iqembu elizathenga uPrince, iBosso izahlala ithola inzuzo ethile. Ngemva kokusayina kwesivumelwano esitsha lesi, akwaziwa ukuthi iHighlanders izathola malini, nanko umaneja kaPrince,
uGibson Mahachi kazange athande ukuchasisa okunengi ngesivumelwano esitsha.
Ekhuluma lephephandaba likazulu ngoLwesithathu, uMahachi uthe isivumelwano esitsha sivumela ukuthi uPrince aye kuloba yiliphi iqembu.
“Ngempela iHighlanders izathola okuthile kodwa okuhle yikuthi kusivumelwano esitsha, uPrince uvunyelwe ukukhetha iqembu angalidlalela phakathi kweminyaka le,” kutsho umaneja lo.
Umdlali lo ufunwa ngamaqembu ayedlula amahlanu kumaligi atshiyeneyo. Inengi lawo likuzwekazi le-Europe lasenkabazwe eMiddle East.
Ngomnyaka odluleyo uPrince bekumele ayezama inhlanhla kwelinye iqembu ezweni le-France kodwa kwehlula ngenxa yokuvinjelwa yizinqumo zokuhamba ezibiswe yiCovid-19.
Abaphathi balumdlali babike ukuba isivumelwano esitsha le-Azama silakho ukuvula amasango okuthi ayedlala kumaligi ase-France lapho okudlala khona uMarshal Munetsi lo-Tino Kadewere abangabadlali besizwe kumaWarriors.
Ekhuluma ngodaba luka-Prince lokusizakala kweHighlanders, owayengumgcinisihlalo weqembu uKenneth Mhlophe wabika ukuba ukuhamba kwalumdlali kuzaphathisa ekuthini iqembu livule amathuba ngokwakha ubudlelwano lamaqembu angaphandle kwelizwe.
“Isivumelwano lesi sizancedisa iqembu ukuthi lakhe ubudlelwano lamaqembu aphetsheya. Lokhu kuzaphathisa njalo ekuthini labanye abadlali bathole amathuba okudlala,” kutsho uMhlophe.
Online Reporter